ԵՄ բարձր ներկայացուցիչ և Եվրահանձնաժողովի փոխնախագահ Քաջա Կալլասը և ԵՄ ընդլայնման հարցերով հանձնակատար Մարտա Կոսը հայտարարություն են տարածել Վրաստանում տիրող իրավիճակի վերաբերյալ այն բանից հետո, երբ իշխանությունները խստացրել են բողոքի ակցիաների օրենսդրությունը։
Նրանց կարծիքով, Վրաստանի իրադարձություններն արտացոլում են երկրի ժողովրդավարական զարգացման լուրջ հետընթաց և չեն արդարացնում Եվրամիությանն անդամակցելու թեկնածու երկրի վերաբերյալ որևէ ակնկալիք։ Նրանք նաև կոչ են արել իշխանություններին դադարեցնել այդ միջոցները, զերծ մնալ լարվածության հետագա սրումից և սպասել ԵԱՀԿ/ԺՀՄԻԳ-ի եզրակացությանը։
Միևնույն ժամանակ, նրանք նաև կոչ են անում վրացական իշխանություններին ազատ արձակել բոլոր ապօրինի ձերբակալված լրագրողներին, ակտիվիստներին, ինչպես նաև քաղաքական հողի վրա կալանավորվածներին և ապահովել երկխոսություն բոլոր քաղաքական ուժերի և քաղաքացիական հասարակության ներկայացուցիչների հետ։