Ադրբեջանի նախագահի օգնական, աշխատակազմի արտաքին քաղաքականության վարչության ղեկավար Հիքմեթ Հաջիևը հայտարարել է, որ Հայաստանի տարածքում կան մարդիկ, ովքեր ռազմական հանցագործություններ են կատարել մարդկության, ադրբեջանական ժողովրդի դեմ, և նրանք պետք է քրեական պատասխանատվության ենթարկվեն։
Նրա խոսքով, Հայաստանը սխալվում է, եթե կարծում է, որ ցանկացած բանաձեւով կարող է ազդել Ադրբեջանի կամքի վրա։ «Հայաստանը և նրա հովանավորները սխալվում են»,- ասել է Հաջիևը։
«Նախագահի հանձնարարությամբ Ադրբեջանի համապատասխան կառույցները ժամանակակից մեթոդների կիրառմամբ ճշգրիտ և մանրամասն գնահատել են Հայաստանի կողմից 30-ամյա օկուպացիայի ընթացքում մեր քաղաքների և գյուղերի ավերածությունների, մեր նյութական և մշակութային ժառանգության ոչնչացման և թալանի հետևանքով հասցված վնասները։ Քննարկվում է նաև փոխհատուցման հարցը. Այս հարցը նույնպես առանձին քննարկման թեմա է տարածաշրջանում խաղաղության լիարժեք ապահովման համար».-ասել է Հաջիեւը։