Ուկրաինան չի հրաժարվում ՆԱՏՕ-ին անդամակցելու իր ռազմավարությունից։
Այս մասին իր Telegram ալիքում հայտարարել է Ուկրաինայի պաշտպանության նախարար Ռուստեմ Ումերովը։
Ումերովը նշել է, որ Ուկրաինա-ՆԱՏՕ խորհրդի նիստից առաջ կարեւոր զրույց է ունեցել դաշինքի գլխավոր քարտուղար Մարկ Ռյուտեի հետ։
«Ուկրաինան չի հրաժարվում իր ռազմավարությունից. մենք մեր ապագան տեսնում ենք ՆԱՏՕ-ում։ Սա մեր անվտանգության առաջնահերթությունն է, և մեր բանակն արդեն եվրաատլանտյան անվտանգության կարևոր տարր է»,- ընդգծել է Ումերովը։
Նա հավելել է, որ Ռուտեին տեղեկացրել է ուկրաինական ռազմարդյունաբերական համալիրի զարգացման և սեփական ռազմական հնարավորությունների մեծացման պլանների մասին։
Հանդիպման ընթացքում, նախարարի խոսքով, քննարկվել է նաև ՆԱՏՕ-ի և եվրոպական երկրների պաշտպանունակության ամրապնդման անհրաժեշտությունը։