«Մինչ աշխարհը գտնվում է Երրորդ համաշխարհային պատերազմի շեմին, Նիկոլ Փաշինյանը, լինելով Հայաստանի վարչապետ, որոշել է ստանձնել երկրի գլխավոր գինեկոլոգի եւ ուրոլոգի գործառույթները»։ Այս մասին հունիսի 18-ին Ազգային ժողովի նիստում հայտնել է «Հայաստան» ընդդիմադիր խմբակցության պատգամավոր Ագնեսա Խամոյանը ՀՀ 2024թ. պետական բյուջեի կատարման հաշվետվության քննարկման ժամանակ։
Պատգամավորի խոսքով՝ Փաշինյանը լիովին զուրկ է ամոթի զգացումից եւ իր դիրքի առանձնահատկության ըմբռնումից։ «Դուք չեք գիտակցում, որ հանրապետության վարչապետն եք»,- ասել է Խամոյանը։
Նա նշել է, որ երկիրը փաստացի նոր պատերազմի եզրին է։ Մինչդեռ կառավարության ղեկավարը զբաղված է «մարդկանց կուսությունը ստուգելով»։ Եվ այս հարցը, ըստ ընդդիմադիր գործչի, դարձել է ամենակարեւորը եւ նշանակալիցը Հայաստանում։ «Սա լավագույն ապացույցն է այն բանի, որ դուք չեք գիտակցում ձեր զբաղեցրած պաշտոնի կարեւորությունը»,- ընդգծել է խորհրդարանականը։