«Մեզ կոչեցին ֆաշիստ, Փաշինյանը պատասխան տալու փոխարեն ասաց «դե, փորձենք հասկանանք՝ ինչու՞ են մեզ ասում ֆաշիստ»»․- այսօր լրագրողների հետ զրույցում ասել է «Հայաստան» խմբակցության պատգամավոր Արթուր Խաչատրյանը։
«Փաշազադեն «ֆաս» հրահանգը տվեց, Փաշինյանը և թիմը որոշեցին ենթարկվել այդ հրահանգին։ Փաշինյանը և իր թիմը որևէ բարոյական արգելակներ չունեն, ես ամենևին չեմ բացառում այս թեմայի բախման տանելը։ Ինչպես ստորություն կազմակերպեցին Վեհափառ Հայրապետի դեմ անցյալ տարի մայիսի 28-ին Սարդարապատում, ներխուժեցին Վեհարան, այդպիսի մի ծրագիր էլ սա է։ Այսօր ասում են՝ ապացուցի՛ր ,որ կուսակրոն ես, վաղն էլ կասեն՝ ապացուցի՛ր, որ մուսուլման չես»,- նշել է Խաչատրյանը։
Պատգամավորի խոսոքով՝ վարչապետի կողմից նմանատիպ քայլերի ձեռնարկումը պայմանավորված է «խաղաղության պայմանագիրը» ստորագրելու ձգտումով, և վարչապետը փորձում է անել ամեն ինչ՝ Ալիևի ստորագրությանը արժանանալու համար։