«Ադրբեջանական ավիաուղիներ» (Azal) ավիաընկերության Մոսկվա (Վնուկովո) — Բաքու (Հեյդար Ալիևի անվան միջազգային օդանավակայան) չվերթը արդեն վեց անգամ հետաձգվել է, հաղորդել է SHOT Telegram ալիքը։
Ուղևորների խոսքով՝ մարդիկ գրեթե մեկ օր է, ինչ սպասում են իրենց չվերթին։ Նրանց տրամադրվել են սննդի վաուչերներ, իսկ մի քանիսը տեղավորվել են հյուրանոցում։
«Մարդիկ գիշերն անցկացնում են հատակին, սրճարաններում, աթոռների վրա։ Ոմանք սպասում են 24 ժամ, որոշ ավիաընկերություններ չեն տրամադրում վաուչերներ, իսկ եթե տրամադրում են, տրամադրում են շատ փոքր գումարի դիմաց», — SHOT-ին ասել է ուղևորներից մեկը։
