Քիչ առաջ թիվ 31 ընտրատարածքային ընտրական հանձնաժողովը հաստատեց ու բաշխեց Գյումրու նորընտիր ավագանու անդամների մանդատները։ ԱԺ պատգամավոր Մարտուն Գրիգորյանը, որը գլխավորում էր «Մեր քաղաքը» դաշինքը, հրաժարվել է մանդատից` ինքնաբացարկի դիմում ներկայացնելով։ Ինքնաբացարկի դիմում է ներկայացրել նաև Ռուբեն Մխիթարյանի գլխավորած «Իմ հզոր համայնք» կուսակցության երրորդ համարը զբաղեցնող հայտնի նկարչուհի Սուսաննա Մկրտչյանը։
Մանդատներն առաջինը շտապել էին վերցնելու Կոմունիստական կուսակցության ներկայացուցիչները։ ՔՊ-ի ցուցակը գլխավորող Սարիկ Մինասյանը մանդատից չի հրաժարվել։ Վաղը չէ մյուս օր նշանակված ավագանու առաջին նիստը, ըստ օրենքի, վարելու է ավագանու ամենատարեց անդամը, տվյալ դեպքում՝ Գյումրու քաղաքապետի թեկնածու Վարդան Ղուկասյանը։
