Ստամբուլում Ռուսաստանի Դաշնության և Միացյալ Նահանգների միջև խորհրդակցությունների երկրորդ փուլում ռուսական պատվիրակությունը կգլխավորի Վաշինգտոնում Ռուսաստանի դեսպան Ալեքսանդր Դարչիևը, իսկ ամերիկյան պատվիրակությունը՝ Եվրոպայի և Եվրասիայի հարցերով ԱՄՆ պետքարտուղարի օգնական Սոնատա Քոուլթերը։ Դրա մասին ТАСС գործակալությանը հայտնել են ՌԴ ԱԳՆ-ից։
Նշվում է, որ առաջիկա օրերին տեղի կունենա ռուս-ամերիկյան խորհրդակցությունների երկրորդ փուլը՝ նվիրված երկու երկրների դիվանագիտական ներկայացուցչությունների գործունեության կարգավորմանը։ «Խորհրդակցությունները կանցկացվեն Ստամբուլում»,-հայտնել են ՌԴ դիվանագիտական ներկայացուցչությունից։
Սպասվում է, որ բանակցությունները կանցկացվեն ապրիլի 10-ին։
Ռուս-ամերիկյան նախորդ խորհրդակցությունները Ստամբուլում անցկացվել են փետրվարի 27-ին։