Արխանգելսկի շրջանում քննիչները պարզում են կնոջ՝ մաքրող հեղուկի միջոցով թունավորման հանգամանքները։ Այս մասին հայտնել է ՌԴ Քննչական կոմիտեի տարածաշրջանային վարչությունը։
Միջադեպը տեղի է ունեցել Նիկոլսկայա գյուղում։
Հետաքննության վարկածով՝ 52-ամյա կինը ապակիները մաքրող հեղուկը շփոթել է ալկոհոլի հետ և խմել։ Արդյունքում նա թունավորվել է մեթիլ սպիրտից, ավելի ուշ նրան հայտնաբերել են, սակայն փրկել չեն կարողացել։
«Առգրավված հակասառեցնող հեղուկում մեթիլ սպիրտի ծավալային բաժինը գերազանցում է սահմանված նորմերը, ինչը լուրջ վտանգ է ներկայացնում առողջության համար», — ասված է հրապարակման մեջ:
Փաստի առթիվ ստուգումներ են իրականացվում։
Քննիչները միջադեպի մասին տվյալներն ուղարկել են «Ռոսպոտրեբնադզոր»՝ արտադրողին պատասխանատվության ենթարկելու և վտանգավոր ապրանքի խմբաքանակը վաճառքից հանելու համար: