Կարկադեն վառ կարմիր գույնի թեյային ըմպելիք է, որը պատրաստվում է հիբիսկուսի ծաղիկներից: Եգիպտոսում և այլ տաք երկրներում այն համարվում է դեղամիջոց բոլոր հիվանդությունների դեմ: Այն օգտագործվում է, թե´ տաք, թե´ սառը վիճակում:
Կարկադեն պարունակում է օրգանիզմի համար բազմաթիվ օգտակար միկրոտարրեր: Այն հանգստացնող, քնաբեր ազդեցություն ունի, կարգավորում է նյութափոխանակությունը, նպաստում է ոսկրերի, ատամների և մազերի ամրացմանը, կարգավորում է նյարդային համակարգը, պաշտպանում է սթրեսներից և բարձրացնում տրամադրությունը:
Այն օգնում է կանխել խոլեստերինային գնդիկների առաջացումը և պաշտպանում է հարբուխից: Ազդում է գլխուղեղի աշխատանքի վրա, ուստի, այս ըմպելիքը խորհուրդ են տալիս օգտագործել ակտիվ մտավոր գործունեության ժամանակ, օրինակ՝ քննաշրջանում:
Այս ըմպելիքը օգտագործվում է տապին՝ առատ քրտնարտադրության ժամանակ, ինչպես նաև սննդային թունավորումներից հետո:
Կարկադեն կարգավորում է ճնշումը և լավացնում օրգանիզմի ընդհանուր վիճակը: Սակայն պետք է հիշել, որ տաք վիճակում այն բարձրացնում է ճնշումը, իսկ սառը վիճակում՝ ցածրացնում: Եվ միայն առողջ մարդկանց վրա այն չեզոք ազդեցություն ունի:
Կարկադեի վնասակար հատկությունները
Կարկադեի օգտակար հատկություններն ավելին են, քան վնասակար հատկությունները: Սրացած գաստրիտով կամ խոցով տառապող մարդիկ պետք է զգուշությամբ օգտագործեն այն:
Կարկադեն խորհուրդ չի տրվում միզաքարային կամ լեղաքարային հիվանդությունների սրացման դեպքում: Հղի կանայք և կերակրող մայրերը կարկադե խմելուց առաջ պետք է խորհրդակցեն բժշկի հետ:
Կարկադեն հայտնի է մի շարք օգտակար հատկանիշներով, քանի որ այն՝
- Իջեցնում է արյան ճնշումը
- Ունի հակաբակտերիալ ազդեցություն
- Ամրացնում է անոթների պատերը
- Օգնում է լեղու դուրսմղմանը
- Լավացնում է լյարդի աշխատանքը
- Դուրս է բերում տոքսինները
- Խթանում է ստամոքսաղիքային տրակտի աշխատանքը
- Կանխարգելում է խոցերի գոյացությունը
- Լավացնում է տղամարդկանց առողջությունը
- Օգնում է հաղթահարել սթրեսն ու հոգնածությունը
- Կարող է օգտագործվել՝ որպես ճիճվաթափ միջոց
- Օգնում է գինարբուքի և սննդային թունավորման դեպքում
- Լավացնում է տեսողությունը:
- Այս թեյը չունի որևէ սեռական հակացուցում, միակ բանը, որ պետք է հիշել, որ կարկադե թեյը չի կարելի խմել՝
- Ստամոքսի բարձր թթվայնության դեպքում
- Գաստրիտի և խոցի դեպքում
- Ցածր ճնշման դեպքում:
Կարդակե թեյն առանձնանում է ոչ միայն համով, այլև օգտակար հատկություններով։ Այն ամրացնում է մազանոթները, նպաստում ճնշման, խոլեստերինի մակարդակի կարգավորմանը, հակաբակտերիալ հատկություն ունի, դրական ազդեցություն է ունենում լյարդի, ենթաստամոքսային գեղձի վրա, հակաալերգիկ հատկություն ունի։
Fithacker.ru-ն գրում է, որ այն հագեցնում է քաղցը, կարգավորում ախորժակն ու լավացնում նյութափոխանակությունը։ Հետաքրքիր է այն հանգամանքը, որ սառը վիճակում այն իջեցնում է ճնշումը, տաք վիճակում՝ բարձրացնում։
Կարկադե թեյի բաղադրիչներից «գլխավոր դերակատարները» թթուներն են, որոնք անփոխարինելի հակաօքսիդանտներ են, ամինաթթուներ, միկրոէլեմենտներ, վիտամիններ։ Այն նյութ է պարունակում, որը լավացնում է տեսողությունը, հանում աչքերի հոգնածությունը, օգնում մաքրել օրգանիզմը՝ դուրս բերելով նյութափոխանակության արգասիքները։
Խորհուրդ է տրվում այն օգտագործել առանց եռացնելու։ Կարկադեի վրա ջուր լցրեք, թողեք թրմվի 10-15 րոպե։ 1 թեյի գդալ կարկադեի վրա 1 բաժակ ջուր ավելացրեք։ Միայն թե մետաղական տարա մի օգտագործեք. այդ դեպքում թեյը կկորցնի համը։