Մարսի վրա կյանքի համար բարենպաստ ժամանակահատվածը կարող է տևել մի քանի տասնյակ միլիոն տարի

Մարսի վրա ավազոտ լողափերի գոյության ապացույցներ են հայտնաբերվել, գրել է Daily Mail-ը։ Մոլորակի խորքում հայտնաբերվել են ժայռերի շերտեր, որոնք ցույց են տալիս, որ ժամանակին օվկիանոս է եղել, որը ծածկել է մոլորակի հյուսիսային բևեռի մեծ մասը։

Հետազոտությունն իրականացվել է գիտնականների միջազգային թիմի կողմից, փորձագետներն օգտագործել են չինական «Ժուրոնգ» ռավերի տվյալները: Սարքը հագեցած է գեոռադարով, որի շնորհիվ ուսումնասիրվել են Մարսի խորքերը։

Այսպիսով, ստացված տվյալները դիտելիս մասնագետները նկատել են ցամաքային լողափեր հիշեցնող կառույց։

Հետազոտողները նաև ենթադրել են, որ Մարսի վրա կյանքի համար բարենպաստ ժամանակահատվածը կարող է տևել մի քանի տասնյակ միլիոն տարի: