« ԱՄՆ նախագահ Դոնալդ Թրամփի վարչակազմի գործողությունները, որոնք սահմանափակել են Associated Press-ի լրագրողների մուտքը Սպիտակ տուն, խախտում են ԱՄՆ Սահմանադրության առաջին ուղղումը, որը երաշխավորում է խոսքի ազատությունը»․- ասվել է գործակալության հայտարարության մեջ։
ԱՄՆ կառավարությունը փորձում է «թելադրել, թե ինչ է հրապարակում լրատվական ընկերությունը վրեժխնդրության սպառնալիքի տակ», ասել է խմբագրությունը։
Նախօրեին Սպիտակ տան աշխատակազմի ղեկավարի տեղակալ Թեյլոր Բադովիցը հայտնել էր, որ հավատարմագրված AP աշխատակիցներին արգելվել է մուտք գործել Օվալաձև աշխատասենյակ և ԱՄՆ նախագահի ինքնաթիռ՝ դա բացատրելով խմբագրության որոշմամբ՝ չօգտագործել Մեքսիկական ծոց նոր անվանումը (Թրամփն ավելի վաղ հրաման էր տվել այն վերանվանել Ամերիկյան ծոց): Ըստ Բադովիչի, դա «բացահայտում է Associated Press-ի հավատարմությունը ապատեղեկատվությանը»:
Խմբագրությունը հերքել է մեղադրանքները։ AP-ի խոսնակ Լորեն Իսթոնն ասել է․-«Լրագրողներին արգելելը նախագահին առնչվող իրադարձությունները լուսաբանելն այն աշխարհագրական անունների պատճառով, որոնք գործակալությունը օգտագործում է, խաթարում է ազատ խոսքի իրավունքը՝ ամրագրված ԱՄՆ Սահմանադրությամբ բոլոր ամերիկացիների համար»: Իսթոնը հավելեց, որ իր զեկույցում AP-ն Մեքսիկական ծոցն անվանում է Մեքսիկական ծոց, սակայն նշում է, որ ԱՄՆ-ում այն կոչվում է «Ամերիկայի ծոց»՝ համաձայն Թրամփի գործադիր հրամանի:
Այս շաբաթ գործակալության լրագրողներին արգելվել է լուսաբանել Սպիտակ տանը մի շարք իրադարձություններ, այդ թվում՝ Թրամփի մամուլի ասուլիսը Հնդկաստանի վարչապետ Նարենդրա Մոդիի հետ և նախագահի ճեպազրույցը Օվալաձև աշխատասենյակում։
Թրամփն այս շաբաթ Fox News-ին ասել է, որ մի շարք հրապարակումներ փորձում են «հանել» իրեն միլիարդատեր DOGE-ի ղեկավար Իլոն Մասկի դեմ՝ նրան նախագահ անվանելով:
Associated Press-ը աշխարհի խոշորագույն և ամենաազդեցիկ լրատվական գործակալություններից մեկն է: Հիմնադրվել է 1846 թվականին ԱՄՆ-ում, կենտրոնակայանը գտնվում է Նյու Յորքում։ AP-ի լրագրողներն աշխատում են ավելի քան 100 երկրներում և լուսաբանում են քաղաքականությունը, տնտեսությունը, պատերազմները, աղետները, սպորտը և մշակույթը: