Թուրքիան բազմիցս հանդես է եկել Հայաստանի ատոմակայանը փակելու պահանջով, հիմնավորելով, թե այն վտանգ է ներկայացնում տարածաշրջանի բոլոր երկրների համար: Այդ նույն երկիրը, սակայն, մտադիր է մինչև 2035 թվականը ունենալ երեք ատոմակայան: Այդ մասին ասել է էներգետիկայի եւ բնական պաշարների նախարար Բայրաքթարը՝ լրագորղներին:
Թուրքիան պետք է ևս երկու խոշոր ատոմակայան կառուցի Սևծովյան Սինոպ նահանգում և Թրակիայի տարածաշրջանում, ասել է նա՝ հավելելով, որ երկիրը նպատակ ունի մինչև 2035 թվականն ունենալ 7200 մեգավատ միջուկային էներգիա։
«2025 թվականին մենք կորոշենք, թե որ երկրի հետ, որ տեխնոլոգիայով ենք շարունակելու այդ երկու ատոմակայանների կառուցումը»,- ասաց նա։