Իր ամենամյա ասուլիսում ՌԴ նախագահն անդրադարձել է նաեւ միգրանտների խնդիրներին:
«Միգրացիան Ռուսաստանի համար սուր խնդիր է: Երկրի աշխատաշուկան բախվում է լուրջ դեֆիցիտի հետ, ինչը հանգեցնում է միգրանտներից կախվածությանը: Միգրանտների թիվը նվազեցնելու համար անհրաժեշտ է բարձրացնել ներքին աշխատուժի արտադրողականությունը և կենտրոնանալ առաջադեմ տեխնոլոգիաների վրա, որոնք թույլ կտան Ռուսաստանին կրճատել իր կախվածությունը ցածր որակավորում ունեցող աշխատողներից, անօրինական ներգաղթը պետք է վերահսկվի, մինչդեռ հմուտ օտարերկրյա աշխատողներին ողջունում են: Անհրաժեշտ է խստացնել միգրանտների նկատմամբ պահանջները, որպեսզի նրանք հարգեն այն երկիրը, որտեղ ապրում են».- ասել է Պուտինը։
Նա ընդգծել է աշխատուժ մատակարարող երկրների, առաջին հերթին՝ Կենտրոնական Ասիայի երկրների հետ աշխատելու անհրաժեշտությունը՝ միգրանտներին ռուսական օրենքներն ու մշակույթը ծանոթացնելու, ինչպես նաև արդեն Ռուսաստանում գտնվողների համար պահանջները խստացնելու համար։
Միևնույն ժամանակ Պուտինը կարևորել է հյուրերի իրավունքների և երաշխիքների ապահովումը առողջապահության և սոցիալական ապահովության ոլորտում, «բայց այնպես, որ դա լրացուցիչ բեռ չդնի տեղի բնակչության վրա, և մարդիկ անհարմար չզգան»։