Ռուս-ուկրաինական պաերազմը՝ միջուկային պատերազմի վերածվելու վտանգի շեմին

Վլադիմիր Պուտինը հանդես է եկել իր վերջին սարսափելի սպառնալիքով, այս անգամ, ըստ երևույթին, ի պատասխան անցյալ շաբաթ New York Times-ի այն զեկույցին, որ արևմտյան որոշ անհայտ պաշտոնյաներ առաջարկել են Ջո Բայդենին միջուկային զենք տալ Ուկրաինային նախքան իր պաշտոնը թողնելը:

Ելույթ ունենալով Ղազախստանի մայրաքաղաք Աստանայում նախկին խորհրդային երկրների անվտանգության դաշինքի հանդիպման ժամանակ՝ ՌԴ նախագահը պնդել է, որ երկիրը «դա թույլ չի տա»։

«Այս դեպքում մենք կընդունենք և կօգտագործենք ամեն ինչ, ես ուզում եմ շեշտել սա, այն է՝ Ռուսաստանի տրամադրության տակ գտնվող ոչնչացման բոլոր միջոցները»,- ասաց նա։

«Եթե ինչ-որ մեկը պաշտոնապես ինչ-որ բան փոխանցի, ապա դա կնշանակի զանգվածային ոչնչացման զենքի չտարածման ոլորտում ստանձնած բոլոր պարտավորությունների խախտում»,- հավելել է նա։

«Դե, մենք թույլ չենք տա, որ դա տեղի ունենա հենց Ուկրաինայի հետ, մենք հետևելու ենք այնտեղ կատարվող ամեն քայլի»:

Պուտինն ասել է, որ Ուկրաինայի համար գործնականում անհնար է միջուկային զենք արտադրել, սակայն այն կարող է ինչ-որ «կեղտոտ ռումբ» ստեղծել։