Վրաստանում նոր խորհրդարանական ընտրություններ պահանջող ցուցարարները ընդդիմության առաջնորդների կոչերից հետո լքել են Թբիլիսիի կենտրոնում գտնվող Մելիքիշվիլիի պողոտան:
Ավելի վաղ ոստիկանությունը Ճավճավաձեի պողոտայում Թբիլիսիի պետական համալսարանի առաջին մասնաշենքի դիմաց փակած ցուցարարներին ստիպել էր հասնել Մելիքիշվիլիի պողոտա։ Մեկ օր առաջ՝ լուսադեմին, ոստիկանները նույնպես դուրս են մղել ցուցարարներին, որոնք շարժվել են դեպի Մելիքիշվիլի պողոտա, իսկ երեկոյան, երբ նրանց թիվը շատացել է, նրանք վերադարձել են իրենց նախկին տեղը՝ ԹՊՀ-ի դիմաց։
Ճանապարհի մաքրման իրենց պահանջն այս անգամ ոստիկանությունը բացատրել է նրանով, որ ըստ օրենքի՝ հնարավոր է փակել ճանապարհը միայն այն դեպքում, եթե դա անհրաժեշտ միջոց է հավաքվածների մեծ քանակի պատճառով։
Մինչ ցուցարարներին Ճավճավաձեի պողոտայից դուրս մղելը սկսելը, ՆԳՆ-ն հանդես եկավ հայտարարությամբ և կոչ արեց ցուցարարներին 15 րոպեի ընթացքում լքել տարածքը։ Այնուհետև ոստիկանական «մարդկային շղթան» ուժով ցուցարարներին դուրս բերեց Մելիքիշվիլիի պողոտա։ Ըստ «Հանուն փոփոխությունների» կոալիցիայի առաջնորդ Զուրա Ջափարիձեի, ով կոչ է արել ցուցարարներին գնալ տուն, ընդդիմությունը առաջիկայում ծրագրելու է հետագա քայլերը և հանրությանը ներկայացնելու գործողությունների ծրագիր։