Բելառուսում կա «բռնապետություն». Այս մասին հայտարարել է երկրի նախագահ Ալեքսանդր Լուկաշենկոն՝ հայտնում է ՌԻԱ Նովոստին։
«Արդեն մոտ մեկ միլիոն մարդ, ովքեր եկել էին մեզ մոտ, կարողացան սեփական աչքերով տեսնել, որ Բելառուսում բռնապետություն է։ Կայունության, անվտանգության, բարության և հյուրընկալության դիկտատուրա»,- ասել է նա։
Լուկաշենկոն նշել է, որ օտարերկրյա քաղաքացիները ուրախ են ժամանել Բելառուս և կարևորում են երկրում մաքրությունը, անվտանգությունն ու հարմարավետությունը։ Նախագահն ընդգծել է, որ Բելառուսի գրավչությունը պետք է պահպանվի՝ «անկախ նրանից թե դա որքան կարժենա»։