Ռուսական անօդաչու թռչող սարքերը հարձակվել են Կիևի վրա նոյեմբերի 2-ի գիշերը, և քաղաքում գործում էին հակաօդային պաշտպանության համակարգեր։ Այս մասին հայտնել է քաղաքային ռազմական վարչակազմի ղեկավար Սերգեյ Պոպկոն։
Նրա խոսքով՝ Կիևի թաղամասերից մեկում բեկորների անկման հետևանքով հրդեհ է բռնկվել 16 հարկանի բնակելի շենքում։ Միևնույն ժամանակ, Ուկրաինայի արտակարգ իրավիճակների պետական ծառայությունը հայտարարել է, որ «ԱԹՍ-ի հարձակման հետևանքով հրդեհ է բռնկվել 50 քմ տարածքում», և հրդեհը մարվել է։ Շենքի երկու հարկի բնակարանները մասնակիորեն ավերվել են շենքից 18 մարդ տարհանվել. Կիևի քաղաքապետ Վիտալի Կլիչկոյի խոսքով՝ երկու մարդ վիրավորվել է։
Քաղաքի ռազմական վարչակազմի ղեկավարը հայտնել է, որ Կիևի Սոլոմենսկի շրջանում բեկորներ են ընկել բնակելի թաղամասի վրա, մի քանի տներում կոտրվել են ապակիներ, վնասվել են մեքենաներ։ Տուժածների մասին տեղեկություններ չկան։ Պոպկոն հավելել է, որ բեկորներ են ընկել նաև Դնեպրի շրջանում։