«Ահաբեկչական PKK-ի՝ PYD/YPG-ի սիրիական ճյուղը դատապարտված է լքվելու և մենակ մնալու: Ամերիկան որոշ ժամանակ իր գրկում է պահել այս ահաբեկչական կազմակերպությանը, բայց երբ այդ ժամանակը լրանա, պետք է նրանց հանգիստ թողնի», — ինքնաթիռում լրագրողներին ասել Էրդողանը՝ հոկտեմբերի 24-ին Ռուսաստանից տուն վերադառնալիս։
«Սիրիայում տիրող անկայունությունից օգտվող ահաբեկչական կազմակերպության ջանքերը՝ մտնելու արևմտյան որոշ երկրների պաշտպանության տակ, ապարդյուն են։ Դա հավերժ չի շարունակվի: Տարածաշրջանից ԱՄՆ-ի դուրս գալու մասին քննարկումները, հիշեք, վաղուց են ընթանում, այն, որ դուրս գալը լինելու է մարտավարական, ոչ թե ռազմավարական, արդեն պարզ է դարձել:….ԱՄՆ-ն Իսրայելին տրամադրում է գործիքներ, սարքավորումներ, զինամթերք և ամեն տեսակի աջակցություն տարածաշրջանում: Մեր աչքերն ու ականջները բաց են մեր հողերի կողքին տեղի ունեցող բոլոր զարգացումների համար, և մենք չենք կարող զիջումների գնալ դրանցում», — ասել է նա:
Էրդողանի հայտարարությունը հնչել է այն բանից հետո, երբ PKK-ի հարձակումը ուղղված էր Անկարայի մոտ գտնվող թուրքական օդատիեզերական արդյունաբերության (TUSAŞ) օբյեկտներին։ Հարձակվողները ժամանել են տաքսիով և կրակ բացել, ինչի հետևանքով չորս մարդ սպանվել է շենքում
Հարձակման հետևանքով զոհվել են նաև PKK-ի անդամները, վիրավորվել ավելի քան 20 մարդ։
«Մենք ավելի շատ կաշխատենք և ավելի շատ կարտադրենք՝ ի հեճուկս դավաճանների»,- ասաց նա։ «Մենք կխանգարենք նրանց, ովքեր անհարմար են զգում Թուրքիայից, որն ուժեղանում է և վստահորեն կանգնած է անարդարության դեմ»,-ասել է ցեղասպան երկրի ղեկավարը: