«Ընթացիկ պատերազմը ապշեցուցիչ ավերածություններ է առաջացրել ամբողջ տարածքում, ամբողջ թաղամասերը ոչնչացվել են, իսկ ճանապարհներն ու կարևոր ենթակառուցվածքները՝ ավերակներ: Նախ պետք է մաքրվեն քայքայվող մարմիններով և չպայթած զինամթերքով պատված փլատակների լեռները: Հենց որ հրադադարը ձեռք բերվի, վերադարձը 2023 թվականի հոկտեմբերյան նախորդ ստատուս քվոյին Գազային չի դնի վերականգնման և կայուն զարգացման համար անհրաժեշտ ճանապարհին: Եթե 2007-2022 թվականների աճի միտումը վերադառնա 0,4 տոկոս միջին աճի տեմպերով, Գազայից 350 տարի կպահանջվի միայն 2022 թվականի ՀՆԱ-ի մակարդակը վերականգնելու համար»,- ասվում է զեկույցում:
Իսրայելն արդարանում է, թե շրջափակումն անհրաժեշտ է ՀԱՄԱՍ-ին զենքի ներկրումը կանխելու համար և մեղադրում է գրոհայիններին Գազայի ծանր վիճակի համար: Ի պատասխան այս զեկույցի՝ ՄԱԿ-ում Իսրայելի դեսպան Դենի Դանոնը այս ամենի համար մեղադրել է ՀԱՄԱՍ-ին.«Գազայի ժողովրդի համար ապագա չկա, քանի դեռ նրանց ժողովուրդը շարունակում է օկուպացված մնալ ՀԱՄԱՍ-ի կողմից»։