Մեծ Բրիտանիայում որոշ պատգամավորների եւ կառավարության անդամների միջեւ տարաձայնություն է առաջացել. ոմանք համոզված են, որ Իսրայելը Գազայում իրականացնում է ցեղասպանություն եւ պետք է կասեցվի զենքի արտահանումը այդ երկիր: Ոմանք պահանջում էին, որ Իսրայելի նախագահ Իսահակ Հերցոգը պատասխանի «ցեղասպանության» մեղադրանքներին, երբ չորեքշաբթի օրը այցելի Մեծ Բրիտանիա։
Հիշեցնենք, որ շխարհի առաջատար ցեղասպանագետների ասոցիացիան, ինչպես նաև մի շարք իսրայելական մարդու իրավունքների կազմակերպություններ արդեն Իսրայելին մեղադրել են ցեղասպանության մեջ:
Սակայն, Մեծ Բրիտանիայի կառավարությունը եզրակացրել է, որ Իսրայելը ցեղասպանություն չի իրականացնում Գազայում, բայց «պետք է շատ ավելին անի» տառապանքները կանխելու և մեղմելու համար։
Մեծ Բրիտանիայի այդ դիրքորոշումը պարզաբանել է Դեյվիդ Լամին, որը մինչև մի քանի օր առաջ արտաքին գործերի նախարարն էր, ի պատասխան Միջազգային զարգացման կոմիտեի նախագահ Սառա Չեմպիոնի հարցերին։
Իր հրապարակված նամակում մեջ նա գրել է, որ «ցեղասպանության հանցագործությունը տեղի է ունենում միայն այն դեպքում, երբ կա որոշակի «մտադրություն՝ ոչնչացնելու ազգային, էթնիկ, ռասայական կամ կրոնական խումբը ամբողջությամբ կամ մասնակիորեն»։
«Կառավարությունը չի եզրակացրել, որ Իսրայելը գործում է այդ մտադրությամբ»։
Կառավարության դիրքորոշման վերաբերյալ հարցին վարչապետի խոսնակը պատասխանել է, որ պարոն Լամմիի նամակը «գրվել է Իսրայել զենքի արտահանման լիցենզիաների համատեքստում»։
«Մենք միշտ ասել ենք, որ միջազգային դատարանի գործն է կայացնում այս որոշումները, և դա դեռևս չի արվել», — ասաց նա։
Նա ասաց, որ նամակը «արտացոլում է Մեծ Բրիտանիայի դիրքորոշումը, որ մենք որևէ եզրակացության չենք եկել այն մասին, թե արդյոք Գազայում ցեղասպանություն է իրականացվել, թե ոչ, դա մեր վաղեմի դիրքորոշումն է»։
Երկրի ատգամավոր տիկին Չեմպիոնը, որին ուղղված էր Լամմիի նամակը, հարցրեց, թե արդյոք նրա խոսքերը նշանակում են, որ կառավարության դիրքորոշումը Իսրայելում ցեղասպանության վերաբերյալ փոխվում է:
Նախկինում կառավարության դիրքորոշումն այն էր, որ միջազգային դատարանի գործն է որոշել, թե արդյոք Իսրայելը ցեղասպանություն է իրականացրել։
Իսրայելը կտրականապես հերքում է, որ իր գործողությունները ցեղասպանություն են համարվում, սակայն այս հարցի վերաբերյալ վիճարկվում է Հաագայի Միջազգային դատարանում։
Ի տարբերություն Մեծ Բրիտանիայի, Իսպանիան արգելել է Իսրայել զենք տեղափոխող նավերին և ինքնաթիռներին մուտք գործել իսպանական նավահանգիստներ կամ մտնել իր օդային տարածք՝ Գազայի հատվածում Իսրայելի ռազմական հարձակման պատճառով։
Իսրայելի արտաքին գործերի նախարար Գիդեոն Սաարը միջոցառումները որակել է որպես հակասեմական։
Վարչապետ Պեդրո Սանչեսի կառավարությունը նաև հայտարարել է, որ թույլ չի տա Իսպանիա մուտք գործել որևէ մեկի, ով անմիջականորեն մասնակցել է Գազայում «ցեղասպանությանը»։