Թուրքական լրատվամիջոցները, հղում անելով դիվանագիտական աղբյուրներին, գրում են, որ Հայաստանը եւ Թուրքիան այս շաբաթ պատրաստվում են հանդիպել դիվանագետների մակարդակով:
Թուրքիայի դեսպն եսպան Սերդար Քըլըչի գլխավորած թուրքական պատվիրակությունը կանցնի Հայաստան՝ Թուրքիայի արևելքում գտնվող Ալիջանի անցակետով, ինչը կլինի առաջին դեպքը, երբ դեսպանները և նրանց թիմերը պաշտոնապես կհատեն ցամաքային սահմանը՝ բանակցություններ վարելու համար։
«Քննարկումները կկենտրոնանան նախկինում կնքված համաձայնագրերի իրականացման վրա, որոնք ներառում էին բեռնափոխադրումների և օդային չվերթների վերսկսումը, սահմանի բացումը, դիվանագիտական անձնագրեր ունեցողների համար վիզայի ընթացակարգերի մեղմացումը և երրորդ երկրների քաղաքացիներին երկու հարևանների միջև անցնելու թույլտվությունը: Այդ միջոցառումներից շատերը մնում են չիրականացված:….Հունիսին Էրդողանը Փաշինյանին ընդունեց Անկարայում՝ կարևոր «աշխատանքային այցի» համար, և նրանք քննարկեցին հարաբերությունները վերականգնելու հնարավոր քայլերը»,-մասնավորապես գրում է թուրքական մամուլը։
Օգոստոսին Փաշինյանը հայտարարեց, որ Անկարան և Երևանը անմիջականորեն քննարկում են փոխադարձ սահմանների բացման հարցը՝ հավելելով, որ կարծում է, որ այդ քայլերը դրական արդյունքներ կտան։