Ապրիլին ինքնասպանություն գործած 16-ամյա Կալիֆոռնիայի բնակիչ Ադամ Ռեյնի ընտանիքը պնդում է, որ դեռահասը ամիսներ է անցկացրել արհեստական ինտելեկտով աշխատող ChatGPT-ից ինքնասպանության մեթոդների վերաբերյալ խորհուրդներ հարցնելով և ստանալով։
Դեռահասի ծնողները դատի են տվել OpenAI ընկերությանը՝ ծրագրի սեփականատերին, և դրա գործադիր տնօրեն Սեմ Օլտմանին։
Նրանք մեղադրում են ընկերությանը շահույթը անվտանգությունից վեր դասելու մեջ։
Ծնողների խոսքով՝ «չաթբոտը» աջակցել է Ռեյի ինքնասպանության մտքերին, մանրամասն տեղեկություններ է տրամադրել ինքնավնասման մահացու մեթոդների մասին և նույնիսկ առաջարկել է նրան ինքնասպանության մասին նամակ գրել։
Հայցում պնդվում է, որ OpenAI-ը պատասխանատու է արտադրանքի անվտանգության օրենքները խախտելու համար և պահանջում է դրամական փոխհատուցում, որը չի նշվում։
OpenAI-ի խոսնակը նշել է, որ ընկերությունը վշտացած է Ռեյի մահից, և որ ChatGPT-ն ձեռնարկել է անվտանգության միջոցառումներ, ինչպիսիք են մարդկանց ուղղորդելը օգնության գծերին։