Հաագայում կայանալիք ՆԱՏՕ-ի գագաթնաժողովում Հյուսիսատլանտյան դաշինքի երկրները կհաստատեն իրենց աջակցությունը Ուկրաինային, սակայն չեն նշի դաշինքին նրա անդամակցության կոնկրետ ամսաթվերը։ Այս մասին հաղորդել է Politico-ն՝ հղում անելով աղբյուրներին։
«Սա լավ միջոց է, որը գտնվել է ներկայիս պայմաններում գագաթնաժողովում ուկրաինական հարցին առանձնահատուկ տեղ տալու համար», — ասել է աղբյուրը։
Նշվում է, որ Ուկրաինային տրամադրվող օգնությունը հաշվի կառնվի ՆԱՏՕ-ի երկրների ազգային պաշտպանության ծախսերի մեջ։ Բացի այդ, աղբյուրի փոխանցմամբ, գագաթնաժողովի եզրափակիչ հռչակագրում կներառվի կետ Կիևին ռազմական դաշինքի բոլոր երկրների կողմից կոլեկտիվ աջակցության մասին։