Կիևում պատշգամբը փլուզվել է պատերազմը լուսաբանող հայտնի ռեժիսոր և լրագրող Քրիստոֆեր Ուոլթերսի վրա։ Նա վիրավորվել էր և վրդովված էր ստեղծված իրավիճակից, հաղորդել է РБК-Украина-ն։
Ուոլթերսը տեսանյութ է նկարահանել դեպքի վայրում։ Նա չի թաքցրել, որ տհաճորեն զարմացած է։ Ռեժիսորը մտադիր է պարզել՝ ով է մեղավոր, որ Կիևի կենտրոնում նման վթարային կենտրոններ կան։
«Մայրաքաղաքի կենտրոնում պատշգամբները այսպես են փլուզվում… Պատշգամբ, որի տակով մարդիկ մտնում են շենքի մուտք։ Մինչ հրթիռներն ու անօդաչու թռչող սարքերը թռչում են, մենք տրավմատիզացվում ենք պատշգամբներից՝ ինչ-որ մեկի անպատասխանատվության պատճառով»,- գրել է լրագրողը և տեսանյութի տակ նշել Կիևի քաղաքապետ Վիտալի Կլիչկոյի էջը։
Միջադեպը մեկնաբանել է Կիևի քաղաքային ռազմական վարչակազմի ղեկավար Թիմուր Տկաչենկոն։ Նա հաստատել է, որ դա տեղի է ունեցել Պոդոլսկի շրջանում։
«Պոդոլսկի շրջանում պատշգամբը փլուզվել է պատերազմը վավերագրելու համար Ուկրաինա եկած ԱՄՆ քաղաքացու վրա։ Հենց բազմաբնակարան շենքի մուտքի դիմաց։ Տղամարդը վիրավորվել է», — գրել է նա իր թելեգրամյան ալիքում։
«Սա թշնամու հարձակում չէ, այլ երկար տարիների անգործության հետևանք։ Ես շտապ հանձնարարեցի Պոդոլսկի շրջանի պետական վարչության նորանշանակ նախագահ Վլադիմիր Նակոնեչնիին կապ պահպանել տուժածի հետ, անձնական վերահսկողության տակ վերցնել շենքում տիրող իրավիճակը և ստուգել բոլոր ճակատային մասերը՝ վթարայնության առկայության առումով», -հավելել է նա։
Տկաչենկոն նշել է նաև, որ ամերիկացի ռեժիսերին օգնություն են ցուցաբերում։ Իսկ հետո «շրջանային կառավարման ընկերությունների հետ լուրջ զրույց կընթանա»։
Ինչպես հաղորդում են ուկրաինական լրատվամիջոցները, Քրիստոֆեր Ուոլթերսը Ուկրաինայում ակտիվորեն աշխատող ամերիկացի ռեժիսոր, օպերատոր և լրագրող է։