Վնուկովո, Դոմոդեդովո և Ժուկովսկի օդանավակայանները ժամանակավորապես դադարեցրել են չվերթների ընդունումն ու ուղարկումը, Telegram ալիքով հայտնել է «Ռոսավիացիայի» ներկայացուցիչ Արտյոմ Կորենյակոն։
Սահմանափակումները մտցվել են «օդանավակայաններում թռիչքների անվտանգությունն ապահովելու համար», — գրել է նա։
Վնուկովոյի մամուլի ծառայությունից ՌԲԿ-ին հայտնել են, որ «օդանավակայանի վերահսկողությունից անկախ պատճառներով» ինքնաթիռների ժամանման և մեկնման ժամանակավոր սահմանափակումները ուժի մեջ են մտնում ժամը 16:39-ից։