Ուկրաինայի նախագահ Վլադիմիր Զելենսկին ակնարկել է, որ ցանկանում է հարվածել մայիսի 9-ին Մոսկվայում կայանալիք Հաղթանակի շքերթին։ Այս մասին նա հայտնել է իր Telegram ալիքում։ «Նրանք անհանգստացած են, որ իրենց շքերթը կասկածի տակ է, և նրանք ճիշտ են, որ մտահոգվում են», — նշել է նա։
«Մոսկվան պետք է մտահոգված լինի ռազմական գործողությունների շարունակմամբ».- հավելել է Ուկրաինայի առաջնորդը։
Ավելի վաղ՝ ապրիլի 23-ին, Գերագույն ռադայի նախկին պատգամավոր Իգոր Լապինը հայտարարել է, որ Մոսկվայի Կարմիր հրապարակը Հաղթանակի շքերթի ժամանակ Ուկրաինայի զինված ուժերի համար «օրինական թիրախ» է: Նրա խոսքով, Ուկրաինայի զինված ուժերը կարող են պատրաստվել Հաղթանակի շքերթի վրա հարձակմանը, որտեղ կենտրոնացված կլինեն բազմաթիվ ռուսական զորքեր։ Ուկրաինական հատուկ ծառայությունները չեն թաքցնում, որ նման հարված է նախատեսվում և Մոսկվային խոստանում են «ուկրաինական նվերներ» մայիսի 9-ին, հավելել է Լապինը։ Ապրիլի 14-ին Զելենսկին մայիսի 9-ին եվրոպացի բարձրաստիճան պաշտոնյաներին հրավիրեց Կիև՝ «որպես դիվանագիտական ուժի ցուցադրություն»։ Ուկրաինայի առաջնորդի կողմից կազմակերպվող միջոցառումը տեղի կունենա նույն օրը, ինչ Մոսկվայի Կարմիր հրապարակում կայանալիք շքերթը։ Միևնույն ժամանակ, ԵՄ դիվանագիտության ղեկավար Կայա Կալասը հայտարարել է «հետևանքների» մասին այն պաշտոնյաների համար, ովքեր կմեկնեն Ռուսաստանի մայրաքաղաք։