Թուրքիայի նախագահ Էրդողանը հոկտեմբերի 5-ին Ստամբուլում տեղի ունեցած միջոցառման ժամանակ կոչով դիմել է մուսուլմանական մեծամասնություն ունեցող երկրներին՝ առևտրային գործողություններ իրականացնել Իսրայելի դեմ ՝ պաղեստինյան տարածքներում և Լիբանանում շարունակվող ռազմական գործողությունների ֆոնին։ «Իսրայելի կառավարության կողմից բռնկված կրակը այրելու է ոչ միայն այս աշխարհագրությունը, այլև ձեզ։ Եթե մենք ձեռքերը չմիացնենք ու չհանգցնենք այն, այս կրակն ի վերջո կհասնի ձեզ: Ես կոչ եմ անում իսլամական աշխարհին ձեռնարկել տնտեսական և առևտրային միջոցներ: Մոտ 50 հազար անմեղ մարդ կոտորվեց ամբողջ աշխարհի աչքի առաջ, ոտքի տակ ոտնահարվեցին միջազգային իրավունքը, պատերազմի օրենքը, բոլոր արժեքները: Ոչ մի հանցագործություն կամ բարբարոսություն չի մնացել, որ չանեն: Բայց ինչ էլ անեն, նրանք չկարողացան կոտրել Գազայի ժողովրդի դիմադրության հողը: Մենք մեր սրտագին ողջույններն ենք հղում Պաղեստինի հերոս զավակներին: Մենք Պաղեստինի ժողովրդի ձայնն ենք բոլոր միջազգային հարթակներում, որտեղ էլ որ մենք կանգնած ենք եղել առաջին օրը, մենք այսօր ամուր կանգնած ենք նույն տեղում»:
Էրդողանը քննադատել է արևմտյան ուժերին՝ նրանց մեղադրելով անգործության մեջ. «Արևմտյան ուժերը գիտեն իրենց իրական մտադրությունները, բայց Հոլոքոստի ամաչկոտությամբ նրանք լռում են [վարչապետ Բենիամին] Նեթանյահուի և նրա մարդասպան հանցախմբի դեմ»:
Նա նաև մտահոգություն է հայտնել հակամարտության տարածաշրջանային ընդլայնման կապակցությամբ՝ մեղադրելով Իսրայելի կառավարությանը պատերազմի շրջանակն ընդլայնելու փորձի մեջ։