Չորեքշաբթի օրը Bloomberg-ին տված հարցազրույցում Զելենսկին Ուկրաինայի առաջնորդ Վլադիմիր Զելենսկին ասել է, որ կարող է ուղղակի խաղաղ բանակցություններ վարել Ռուսաստանի նախագահ Վլադիմիր Պուտինի հետ, եթե ԱՄՆ նախագահ Դոնալդ Թրամփը Կիևին անվտանգության երաշխիքներ տրամադրի:
«Միակ հարցն այն է, թե անվտանգության ինչ երաշխիքներ կան, և ես, անկեղծ ասած, ուզում եմ ըմբռնում ունենալ բանակցություններից առաջ։ Եթե նա կարողանա երաշխավորել Ուկրաինայի համար այս ուժեղ և անշրջելի անվտանգությունը, մենք կշարժվենք այս դիվանագիտական ճանապարհով»,- ասել է նա։
Անցյալ տարի Պուտինը հայտարարել էր, որ կբանակցի Զելենսկու հետ միայն այն դեպքում, եթե նա ընտրություններ անցկացնի և հաղթի՝ վերականգնելով իր լեգիտիմությունը։
Զելենսկին մնում է Ուկրաինայում իշխանության ղեկին, չնայած որ նրա պաշտոնավարման ժամկետը պաշտոնապես ավարտվել է անցյալ տարվա մայիսին։ Նա չեղարկել է նախագահական քվեարկությունը՝ վկայակոչելով ռազմական դրությունը, որը սահմանել է Ռուսաստանի հետ հակամարտության պատճառով։
Պուտինի խոսքով՝ այդ քայլը խախտում է Ուկրաինայի սահմանադրությունը՝ խորհրդարանին թողնելով որպես երկրում միակ օրինական իշխանություն: