«ԵՄ-ի ապագան վտանգված է իր սահմաններից դուրս բազմաթիվ ճգնաժամերի և ԱՄՆ-ի կողմից պաշտպանական երաշխիքների վերաբերյալ կասկածների ժամանակ: Դաշինքը այլևս չի կարող ապավինել ԱՄՆ-ին իր պաշտպանության համար,», երկուշաբթի ասել է Բրյուսելի արտաքին քաղաքականության ղեկավարԺոզեպ Բորելը։
Նա տագնապալի պատկեր է ներկայացրել համաշխարհային իրավիճակների մասին՝ ներկայացնելով իր ելույթների և էսսեների ժողովածուի թողարկումը՝ «Եվրոպան կրակի կամարում» վերնագրով: Համաշխարհային անվտանգությանը սպառնացող հիմնական գործոններից նա թվարկել է Ուկրաինայի, Գազայի և Աֆրիկայի հակամարտությունները:
«Իրադարձությունները, որոնց մենք ստիպված եղանք հանդիպել վերջին մի քանի ամիսների ընթացքում, ցավոք, հաստատեցին ավելի վաղ տրված ախտորոշումը. Եվրոպան վտանգի տակ է», — գրել է Բորելը իր գրասենյակի կայքում:
«Մեր աշխարհաքաղաքական միջավայրը վատթարանում է, իսկ հակամարտություններն ու ճգնաժամերը բազմապատկվում են մեր շեմին: Ուկրաինայից մինչև Մերձավոր Արևելք՝ Հարավային Կովկասով, Աֆրիկայի եղջյուրով կամ Սահելով»,- հավելել է նա։ «Այս ամենը մի ֆոնի վրա, երբ ԱՄՆ-ի ապագա հանձնառությունը եվրոպական անվտանգությանը դառնում է ավելի անորոշ»:
Դիվանագետը հշել է, որ Վաշինգտոնի հանձնառությունը «ընդհանուր Եվրոպայի անվտանգության համար դարձել է ավելի անորոշ ապագայի համար»՝ հաշվի առնելով Դոնալդ Թրամփի վերընտրությունը:
«Մեր բարեկեցությունն ու ապագան չեն կարող շարունակել կախված լինել Միջին Արևմուտքում ԱՄՆ-ի ընտրողների տրամադրությունից չորս տարին մեկ»,- գրել է Բորելը` կոչ անելով դաշինքի անդամ երկրներին ուժեղացնել իրենց պաշտպանությունը: