News.am-ը գրում է.«Սեպտեմբերի 17-ի լույս 18-ի գիշերը սպասվում է աստղագիտական հետաքրքիր երևույթ՝ Բերրի Լուսին (առաջին լիալուսինը աշնանային գիշերահավասարից առաջ) համընկնում է գերլուսնի (լիալուսին և երբ Լուսինն իր էլիպսաձև ուղեծրով ընթանալիս ամենամոտն է գտնվում Երկրին) և Լուսնի մասնակի խավարման հետ:
Երևույթը տեսանելի կլինի Հյուսիսային և Հարավային Ամերիկաներում (բացառությամբ Ալյասկայի), Եվրոպայում, Աֆրիկայի մեծ մասում, Արևմտյան Ասիայում և Անտարկտիդայի որոշ մասերում: Եթե ինչ-ինչ պատճառներով չեք կարող անձամբ դիտել խավարումն այդ պահին, կան մի շարք առցանց ուղիղ հեռարձակումներ, որոնք թույլ կտան տեսնել Լուսնի մասնակի խավարումը, որը սովորականից ավելի մեծ կթվա։
Լուսնի խավարումները տեղի են ունենում, երբ Արեգակը, Երկիրը և Լուսինը դասավորում են այնպես, որ Երկիրը ստվեր է գցում իր բնական արբանյակի վրա: Այս անգամ Լուսնի խավարումը փոքր կլինի, և Լուսնի միայն վերին 8,7%-ը ծածկված կլինի Երկրի ստվերի ամենամութ հատվածով:
Երևանի ժամանակով խավարումը կսկսվի սեպտեմբերի 18-ի առավոտյան ժամը 04:40-ին և իր գագաթնակետին կհասնի 06:44-ին»: