ՀՀ իշխանությունները ի՞նչ են պայմանավորվել ԱՄՆ-ի ու Ադրբեջանի հետ՝ TRIPP-ի շրջանակներում, դժվար է ասել: Սակայն, դատելով Սուրեն Պապիկյանի՝ Թեհրան կատարած այցին ադրբեջանական ԶԼՄ-ների արձագանքից, կարելի է ենթադրել, որ ՀՀ իշխանությունը պարտավորություն կամ պայմանավոևրվածություն ունի խզելու Իրանի հետ դիվանագիտական հարաբերությունները: Ինչպես գիտենք, ՊՆ Սուրեն Պապիկյանը փետրվարի 23-25-ը գտնվում էր Թեհրանում և հանդիպում է ունեցել Իրանի Ազգային անվտանգության բարձրագույն խորհրդի քարտուղար Ալի Լարիջանիի հետ:
Երեկ ադրբեջանական իշխանական լրատվամիջոցները ահազանգում էին Հայաստանի «երկակի» խաղերի մասին, որը, ըստ ադրբեջանական հրապարակումների, չի ների ԱՄՆ նախագահ Թրամփը:
«Մինչ Դոնալդ Թրամփի վարչակազմը Վաշինգտոնում վերջնական շտրիխներն է դնում «նոր Մերձավոր Արևելքի և Կովկասի» քարտեզի վրա՝ փորձելով ամրապնդել Հայաստանի և Ադրբեջանի միջև պատմական հաշտեցումը, տարածաշրջանից ազդանշան է ի հայտ եկել, որը կարող է խախտել փխրուն հավասարակշռությունը: ՀՀ պաշտպանության նախարար Սուրեն Պապիկյանի 2026 թվականի փետրվարի 23-25-ը Թեհրան կատարած այցը կարող է անսպասելի անհամապատասխանություն առաջացնել ամերիկյան դիվանագիտական սպասումների համար։
Հարավային Կովկասը ԱՄՆ-ի կողմից վերահսկվող տարանցիկ հանգույցի վերածելու համար նախատեսված TRIPP հավակնոտ նախագծի իրականացման ֆոնին, Երևանը դիվանագիտական քայլ է կատարել, որը Վաշինգտոնը կարող է դիտարկել որպես ռազմավարական կրկնակի գործարք։
Սպիտակ տան տրամաբանության և հայտարարությունների հիման վրա, Պապիկյանի այցը Իրանի Ազգային անվտանգության բարձրագույն խորհրդի քարտուղար Ալի Լարիջանիի մոտ, կարծես թե, ուղղակի սպառնալիք է Թրամփի տարածաշրջանային ճարտարապետությանը: Վաշինգտոնի 2026 թվականի ռազմավարությունը հիմնված է Իրանի մեկուսացման և տարանցիկ միջանցքների վրա նրա ազդեցության նվազագույնի հասցնելու վրա: Հայաստանը, ԱՄՆ-ից ստանալով խոշորածավալ ներդրումների և ռազմատեխնիկական աջակցության խոստումներ, փաստորեն խախտում է խաղի նոր կանոնները։
Տրամաբանության և Սպիտակ տան հայտարարությունների տեսանկյունից, Պապիկյանի այցը Իրանի Գերագույն ազգային անվտանգության խորհրդի քարտուղար Ալի Լարիջանիին, կարծես թե ուղղակի սպառնալիք է Թրամփի տարածաշրջանային ճարտարապետությանը։
Պետդեպարտամենտի միջանցքներում այս քայլը կարող է ընկալվել ոչ միայն որպես «ուժի մեջ հետախուզություն», այլև որպես զգայուն տեխնոլոգիաների ապագա արտահոսքի ռիսկ։ Եթե Հայաստանը ինտեգրվի արևմտյան անվտանգության համակարգին, Իրանի հետ նրա ռազմական կապերը կդառնան «կարմիր գիծ»։ Թրամփի վարչակազմը կարող է ստիպել Երևանին կատարել խիստ ընտրություն՝ կամ լիակատար հավատարմություն, կամ տնտեսական օգնության փաթեթի վերանայում։….
Հաստատելով, որ Հայաստանը չի դառնա սպառնալիքի աղբյուր իր հարևանի համար՝ Պապիկյանը, ըստ էության, Թեհրանին երաշխիքներ տվեց, որոնք ուղղակիորեն հակասում են ԱՄՆ-ի «առավելագույն ճնշման» տրամաբանությանը։ Սուրեն Պապիկյանի այցը Թեհրան բացահայտեց տարածաշրջանային կայունության հիմքում եղած ճաքը։ Թրամփի դարաշրջանում բազմավեկտոր արտաքին քաղաքականությունը դառնում է չափազանց թունավոր։ Երևանը, ինչպես նախորդ դարաշրջանում, ռիսկի է դիմում վերածվել «մոխրագույն գոտու», որտեղ Վաշինգտոնի և Թեհրանի շահերը ուղղակիորեն բախվում են՝ տարածաշրջանը վերադարձնելով անորոշության վիճակի, որտեղ զենքերը կրկին կգերակշռեն առևտրային քարավաններում...».- մասնավորապես գրում է ադրբեջանական մեդիան:
Ակնհայտ է, որ փաշինյանական իշխանությունը իր ոչ դիվանագիտական քայլերով, գիտակցաբար կամ անգիտակցաբար, Հայաստանը դարձրել է երկու հզոր երկրների՝ ԱՄՆ-ի եւ մեր հարևան դաշնակից Իրանի միջև հակամարտության գոտի՝ իր բոլոր վտանգներով ու անկանխատեսելի հետևանքներով: