Հիշեցնենք, որ ոստիկանական համակարգի այսօրվա անտեր վիճակի համար պետք «շնորհակալ» լինենք ԱՄՆ-ին, քանի որ վերջին տարիներին ԱՄՆ-ն ֆինանսական մեծ ներդրումներ է կատարել մեր այդ համակարգը «բարեփոխելու» ուղղությամբ: Ամերիկայն պաշտոնյաները հաճախ էին «հյուր գալիս» ոստիկանություն, ցուցումներ տալիս, եւ գոհ էին մնում իրենց կողմից բարեփոխված ոստիկանությունից՝ հատկապես այն ժամանակ, երբ ցուցարարների վրա բիրտ ուժ էր կիրառվում: Հետևաբար, եթե «բարեփոխելու» փողն իրենք են էտվել, իրենք էլ կարող է իրենց ուզած մարդուն տեսնել այդ կառույցի ղեկավարի պաշտոնում.«Кто платит, тот заказывает музыку»: Ու ամերկյան պաշտոնյաները որոշեցին Ներքին գործերի նախարար նշանակել սորոսական Արփինե Սարգսյանին: Հիշեցնենք, որ նրան այս պաշտոնին նշանակելու համար Փաշինյանը պաշտոնազուրկ արեց իր մանկության ընկերոջն ու անվերապահ կամակատար Վահե Ղազարյանին: Նոր նախարարուհին շուտ մտավ իր պաշտոնական շքեղ դերի մեջ. երբ նա իր ծառայողական մեքենայով շրջում է երեւանյան փողոցներով, ապա այդ տարածքում երթեւեկությունը կանգ է առնում… Ի դեպ, նորանշանակ նախարարուհու համար կառավարությունը հատկացրեց 125 հազար ԱՄՆ դոլար, որ աղջիկը կարգին մեքենայով ու անվտանգ լինի… Իսկ ի՞նչ բարեփոխում բերեց նախարարուհին, իմանում ենք հայաստանյան ամենօրյա լրահոսից: Սակայն, վստահ կարող ենք ասել, որ երկրում ստեղծված իրավական անտերությունը դարձել է պետության կազմաքանդման եւ գահավիժման «կանաչ լույսը»: Գուցե, հենց այս էլ պետք է մեր ոստիկանությունը բարեփոխած երկրին՝ ԱՄՆ-ին, որի նախագահն այդպես էլ չարտաբերեց Հայաստանի ու նրա ղեկավարի անունը:
Հիշեցնենք, որ 2024թ-ի հունիսի 12-ին Բաղրամյան պողոտայում ոստիկանների կողմից ցուցարաների վրա լուսաձայնային նռնակներ կիրառելուց եւ խաղաղ ցուցարարներին մարմնական վնասվածքներ հասցնելուց հետո ՀՀ-ում ԱՄՆ դեսպանությունը իր տարածած հաղորդագրության մեջ բռնություններ եւ խոշտանգումներ իրականացրած ՀՀ ոստիկանության եւ ոստիկանական զորքերի զինծառայողների կողմից կատարած արարքները որակեց որպես իրավաչափ եւ խրախուսեց այն: Դեսպանությունը, ակնհայտորեն, գոհ է իր բարեփախած ոստիկանությունից: Մեզ մնում է խնդրել. կլինի՞ ձեր երկիր տարեք ձեր բերած բարեփոխումները…
ՆԱԻՐԱ ՎԱՆՅԱՆ