Փարիզի քրեական դատարանը իր վճիռը հրապարակեց սեպտեմբերի 25-ին։ 400 էջանոց որոշման համաձայն՝ Սարկոզին թույլ է տվել «ֆինանսական աջակցություն ստանալու լիազորություններ ունեցող մտերիմ գործընկերներին և քաղաքական կողմնակիցներին» կապ հաստատել Լիբիայի իշխանությունների հետ իր 2007 թվականի նախագահական քարոզարշավի ընթացքում։
Սակայն դատարանը նրան արդարացրեց «գողացված ապրանքներ ստանալու և Լիբիայի պետական միջոցները յուրացնելու, պասիվ կաշառակերության և քարոզարշավի անօրինական ֆինանսավորման» մեղադրանքներից։
Պետական մեղադրողը պահանջել էր նախկին նախագահի համար 7 տարվա ազատազրկում։
70-ամյա Սարկոզին, ով մշտապես պնդել է իր անմեղությունը, դատապարտել է պահանջվող «չափազանց մեծ պատիժը»։
Նա ասել է, որ մեղադրանքները Լիբիայի նախկին նախագահ Մուամմար Քադաֆիի կլանի կողմից մշակված դավադրության մի մասն են, որոնք, նրա պնդմամբ, վրեժ էին լուծում իրենից 2011 թվականին Քադաֆիին տապալելու գործում Սարկոզիի «որոշիչ դերի» համար։