Միջազգային լրատվամիջոցները գրում են, որ ԱՄՆ նախագահ Դոնալդ Թրամփը և Չինաստանի առաջնորդ Սի Ցզինպինը կարող են հանդիպել հոկտեմբերին Հարավային Կորեայում՝ Ասիա-խաղաղօվկիանոսյան տնտեսական համագործակցության (APEC) ֆորումի ժամանակ: Սա տեղի է ունենում երկու երկրների միջև առևտրային լարվածության ֆոնին։
Թրամփի վարչակազմի երեք անանուն պաշտոնյաների խոսքով՝ նախագահը և նրա գլխավոր խորհրդականները «հանգիստ պատրաստվում են» մեկնել Ասիա-խաղաղօվկիանոսյան տնտեսական համագործակցության (ԱԽՀ) հանդիպմանը և բանակցություններ վարել անդամ պետությունների առևտրի նախարարների հետ։ ԱԽՀ-ի գագաթնաժողովը նախատեսված է հոկտեմբերի վերջին կամ նոյեմբերի սկզբին Հարավային Կորեայի Կյոնջու քաղաքում։
Պաշտոնյաները հավելել են, որ ֆորումի շրջանակներում Թրամփի և Սի Ցզինպինի միջև «լուրջ քննարկումներ են եղել երկկողմ հանդիպման վերաբերյալ» , սակայն «որևէ հստակ ծրագիր չկա»։
ԱՄՆ-ի և Չինաստանի միջև առևտրային լարվածությունը մեծացել է։ 2025 թվականի սկզբին Թրամփը չինական ապրանքների վրա սահմանեց մինչև 145% բարձր մաքսատուրքեր, ինչը Պեկինի կողմից հանգեցրեց 125% փոխադարձ մաքսատուրքերի։ Սակայն երկու երկրները մայիսին համաձայնության եկան ժամանակավոր մաքսատուրքերի զինադադարի շուրջ, որը երկարաձգվեց մինչև նոյեմբերի կեսերը։
Հիշեցնենք, որ Չինաստանում կայացած Շանհայի համագործակցության կազմակերպության (ՇՀԿ) գագաթնաժողովից հետո Թրամփը մտահոգվել էր, որ ԱՄՆ-ը կորցրել է Հնդկաստանն ու Ռուսաստանը՝ հօգուտ «ամենախորը, ամենամութ» Չինաստանի: «Ռուսաստանի նախագահ Վլադիմիր Պուտինը և Կիմը «դավադրություն» են կազմակերպում ԱՄՆ-ի դեմ»,- ասել էր նա, ինչը ռուսական կողմը ընդունում էր որպես կատակ: