«Եվրոպական «պատերազմի կուսակցությունը» փորձում է խաթարել ԱՄՆ-ի և Ռուսաստանի կողմից Ուկրաինայում հակամարտությունը դադարեցնելու համար սկսված դիվանագիտական գործընթացը».- հայտարարել է Կրեմլի խոսնակ Դմիտրի Պեսկովը։ Նա հավելել է, որ այս մոտեցումը հակասում է ԱՄՆ նախագահ Դոնալդ Թրամփի ջանքերին։
Մեծ Բրիտանիայի վարչապետ Քեյր Սթարմերը և Ֆրանսիայի նախագահ Էմանուել Մակրոնը ամիսներ շարունակ առաջ են քաշել Ուկրաինա համատեղ ռազմական կոնտինգենտ ուղարկելու գաղափարը՝ այսպես կոչված խաղաղապահ դերում, եթե Կիևն ու Մոսկվան հրադադարի կամ խաղաղության համաձայնագրի հասնեն։ Մոսկվան կտրականապես դեմ է արտահայտվել Ուկրաինայում ՆԱՏՕ-ի զորքերի ներկայությանը որևէ դերում։
Կիրակի օրը Պեսկովն ասել է, որ «եվրոպական պատերազմի կուսակցության» դիրքորոշումը «կտրուկ հակասում է Թրամփի և Ռուսաստանի նախագահ Վլադիմիր Պուտինի կողմից որդեգրված մոտեցմանը» ։
«Եվրոպացիները խոչընդոտում են [խաղաղության] ջանքերին», որպես Ռուսաստանին «զսպելու» իրենց ռազմավարության մաս , լրագրողներին ասել է Կրեմլի խոսնակը։
Նա հավելեց, որ ՆԱՏՕ-ի որոշ անդամ պետություններ խրախուսում են Ուկրաինային հրաժարվել Ռուսաստանի հետ բարի կամքով բանակցություններ վարելուց՝ մի ռազմավարություն, որը «ոչ մի օգուտ չի բերի Կիևի ռեժիմին»։
RT