Կառավարության նիստից հետո լրագրողների հետ ճեպազրույցի ժամանակ Նիկոլ Փաշինյանը հայտարարել է, որ կառավարությունն ինքն է՝ բացառելով կառավարության ներսում այլ դիրքորոշման առկայությունը։ Համաձայն ՀՀ Սահմանադրության 146-րդ և 147-րդ հոդվածների՝ կառավարությունը ոչ թե միանձնյա այլ կոլեգիալ մարմին է։ Կառավարությունը կազմված է վարչապետից, փոխվարչապետներից և նախարարներից: Նրանք բոլորն ունեն ձայնի հավասար իրավունք՝ կառավարության իրավասությանը վերաբերող որոշումների քննարկումների և ընդունման ժամանակ։ Համաձայն «Կառավարության կառուցվածքի և գործունեության կարգի մասին» ՀՀ օրենքի 7-րդ հոդվածի 2-դ մասի՝ վարչապետը ղեկավարում է Կառավարության գործունեությունը և համակարգում է Կառավարության անդամների աշխատանքը։
ՀՀ քրեական օրենսգրքի 419-րդ հոդվածի 1-ին մասի համաձայն՝ կառավարության լիազորություններին տիրանալը համարվում է հանցագործություն, որի համար նախատեսված է պատիժ՝ տասից տասնհինգ տարի ժամկետով։
Էդգար Ղազարյան