«Ռուսաստանը շահագրգռված չէ Ուկրաինայի հողերը բռնագրավելով, բայց ցանկանում է պաշտպանել էթնիկ ռուսներին և ռուսախոս մարդկանց Կիևի կողմից հետապնդումներից».- հայտարարել է ՌԴ արտգործնախարար Սերգեյ Լավրովը։
Կիրակի օրը NBC-ին տված հարցազրույցում Լավրովին հարցրել են, թե արդյոք Մոսկվայի ռազմական հարձակման դադարեցումը միակ զիջումն էր, որին այն պատրաստ էր գնալ։
«Մենք որևէ հետաքրքրություն չունենք տարածքների նկատմամբ։ Մենք ունենք Երկրի վրա ամենամեծ տարածքը», — ասաց Լավրովը։ «Մեզ մտահոգում են… այդ հողերում ապրող մարդիկ, որոնց նախնիները դարեր շարունակ ապրել են այնտեղ»։
Լավրովը նշել է, որ Մոսկվայի նպատակն է «վերացնել Ռուսաստանի համար Ուկրաինայի տարածքից եկող ցանկացած անվտանգության սպառնալիք», ինչպես նաև «պաշտպանել էթնիկ ռուսների և ռուսախոս մարդկանց իրավունքները, ովքեր կարծում են, որ պատկանում են ռուսական մշակույթին և ռուսական պատմությանը»։
«Նրանց այս նացիստական ռեժիմից պաշտպանելու միակ միջոցը նրանց կամքը արտահայտելու իրավունք տալն է», — ընդգծեց նա։
Լավրովը շարունակեց ընդգծել, որ «Ուկրաինան իրավունք ունի գոյատևելու», բայց այն պետք է պատրաստ լինի «թողնել մարդկանց գնալ»։ Նա, սակայն, նշեց, որ ուկրաինացի պաշտոնյաները մշտապես փորձել են անմարդկայնացնել և «ահաբեկիչներ» ներկայացնել իր հինգ նախկին շրջանների մարդկանց, որոնք 2014 և 2022 թվականներին քվեարկել են Ռուսաստանին միանալու օգտին։