Կառավարությունում ո՞վ կա
Նեղություն քաշեք, հարցրեք, արդյո՞ք Լաչինի միջանցքի կարգավիճակը սահմանող հայտարարության տակ դրված իր ստորագրությունը գործում է, թե՞ չեղարկվել է մեկ այլ փաստաթղթով: Որքան որ բոլորս տեղյակ ենք, այն գործելու է առնվազն մինչև 2025 թվականի նոյեմբերի 9-ը: Ինչու՞ այդ մասին չկա որևէ հիշատակում, թե պարզապես «այն մեկը մոռացեք, այս մեկին հավատացեք» պարզունակ ռեժիմին է անցել:
Ադրբեջանի խաղաղասեր վարքուբարքի մասին լուսապայծառ ու խինդառատ մտքեր շաղ տալու պահին, արդյո՞ք ձեռքի տակ ունի որևէ փաստաթուղթ կամ հայտարարության տեքստ, թե՞ նորից Բաքվի տեղապահի գործառնությունների շարունակման ժանրից է: Կրկնում եմ հարցս. ինչու՞ է վստահ, որ Ադրբեջանը կհամաձայնվի իր խաղաղասիրական անուրջների հետ և ո՞վ է երաշխիք տվել իրեն այդ հարցում:
Ադրբեջանը ՀՀ-ի դեմ ունենալով լիակատար առավելություն ի դեմս ՀՀ-ում յոթ տարի իշխանության կարգված Նիկոլ Փաշինյանի, շարունակաբար հետամուտ է լինելու ՀՀ-ից առավելագույնը կորզելու իր գործելաոճին: Այս իրողությունների պայմաններում, ցանկացած երկրի ղեկավար կվարվեր նույն կերպ:
Ելույթը վերստին հաստատագրեց, որ ԱՆՁԱՄԲ մասնակցել է միջազգային և ՀՀ օրենքներով պատժելի ցեղասպանության ծրագրված ու իրականացված գործողություններին, որի դիմաց սահմանվում է ծանրագույն պատիժ: Սույն մեղադրանքը հավասարապես վերաբերվելու է ՔՊ կուսակցության բոլոր անդամներին:
Բաց տեքստով ասաց, որ Արցախի հայաթափման հարցում խորհրդակցել է Բաքվի հետ և ստացել է բարձր հովանավորություն այդ հարցում:
Սրա ասած «խաղաղությունն» ընդամենը խաբկանք է, նոր պատերազմի ու բռնագաղթի նախադուռ, քանզի այն ապահովելու համար ոչ խելք, ոչ ներուժ, ոչ կարողություն, ոչ էլ դաշնակից-հովանավոր ունի: Իսկ դրանց բացակայությունից անպայմանորեն օգտվելու են բոլորը, ԲՈԼՈՐԸ…
Այս փաստը պետք է գիտակցել…