Հայ Առաքելական Եկեղեցու Ֆրանսիայի թեմ
ԹԵՄԱԿԱՆ ԽՈՐՀՐԴԻ ԵՎ ԹԵՄԱԿԱՆ ՊԱՏՎԻՐԱԿՆԵՐԻ ԺՈՂՈՎԻ ՀԱՅՏԱՐԱՐՈՒԹՅՈՒՆ
Վերջին մի քանի շաբաթների ընթացքում Հայաստանի Հանրապետության վարչապետը ճակատից հարձակվում է եկեղեցու, կաթողիկոսի և Հայ Առաքելական Եկեղեցու վրա։
Սա լրջորեն խաթարում է հասարակության կյանքը Հայաստանում և առաջացնում է մեծ ցավ ու մտահոգություն ինչպես Հայաստանում, այնպես էլ սփյուռքի թեմերում հավատացյալների շրջանում։
Մինչ Հայաստանի թշնամիները շարունակում են զենքի կուտակման իրենց անընդհատ և աճող քաղաքականությունը, և բացահայտ սպառնում են Հայաստանի Հանրապետությանը և նրա բնակչությանը, անհանգստությունը ավելի քան երբևէ հիմնավորված է։
2020 թվականի նոյեմբերի ծանր պարտությունից հետո, երբ Արցախահայության բռնի արտագաղթը և Հայոց պատմական տարածքների օկուպացիան դարձան իրականություն, սպառնալիքն այժմ գոյաբանական է։
Այս համատեքստում՝ ամեն հայ՝ անկախ նրանից թե որտեղ է ապրում, չի կարող անտարբեր մնալ իրավիճակի լրջության հանդեպ։
Այս ճգնաժամը վերաբերում է ոչ միայն Հայաստանում ապրող հայերին։ Այն մտահոգում է նաև ամբողջ սփյուռքին, որը մեծամասամբ՝ ավելի քան երկու երրորդը, ապրում է Հայաստանից դուրս։
Մենք կոչ ենք անում բարոյական համընդհանուր զարթոնքի և հրավիրում ենք հայկական հանրային կյանքի դերակատարներին, ինչպես նաև Հայ Առաքելական Եկեղեցու զավակներին, միավորվելու՝ պահպանելու այդ սրբազան ժառանգությունը, որի ժառանգորդներն ենք մենք և պարտավոր ենք այն փոխանցել գալիք սերունդներին։
Այս պայմաններում, ազգային հաշտեցումը միաժամանակ ավետարանային պահանջ է և յուրաքանչյուրի պարտքը։
«Թող քո ընծան զոհասեղանի առաջ, և նախ գնա հաշտվիր քո եղբոր հետ. ապա արի ու քո ընծան բեր»։
Ավետարան ըստ Մատթեոսի 5:24։
Թող Տերը մեզ օգնության հասնի։
Փարիզ, 2025 թ․ հունիսի 18
Ռիշար ԳԱԶԱՐԵԱՆ
Թեմական Խորհրդի նախագահ
Գիլբեր ԴԵՐՏԵՐԵԱՆ
Թեմական Պատվիրակների Ժողովի նախագահ