ԱՄՆ նախագահը հայտնել է, որ Վլադիմիր Պուտինի հետ մեկ ժամ 15 րոպե տևողությամբ հեռախոսազրույցի ընթացքում քննարկել է Ուկրաինայի անօդաչու թռչող սարքերի հարձակումը, որի արդյունքում ոչնչացվել է ավելի քան 40 ռուսական ռազմական ինքնաթիռ։
Դոնալդ Թրամփը հայտարարել է, որ Վլադիմիր Պուտինը «շատ կտրուկ» ասել է իրեն, որ «պետք է արձագանքի» Ուկրաինայի կողմից Ռուսաստանի օդանավակայանների վրա հասցված անօդաչու թռչող սարքերի հարվածներին։
Շաբաթավերջին Ռուսաստանի տարածքում տեղակայվել են հարյուրից ավելի ուկրաինական անօդաչու թռչող սարքեր , որոնք ոչնչացրել են ավելի քան 40 ռազմական ինքնաթիռ, որը, ըստ Վլադիմիր Զելենսկիի, «անկասկած կմնա պատմության դասագրքերում»։